Monday, February 2, 2015

Happy Dussera

http://galleryhip.com/fire-bow-and-arrow.html

Is baras  hum roz dussera manayenge .

Apne apne muhallon ke raavanon ko unke gharon se kheench nikalenge
Suli par latkaakar Sita mayyiya se kehenge,"Matarani, yeh lo dhanush
Teer chalaao, aag laga do Ravan ko. Maharaj pedicure karwa rahe hain.
Manicure tonsure abhi baaqi hai. Der ho raat ho jayegi. Aag aap hi lagado.


Is baras hum roz dussera manayenge .

"Hanumanji se kahiyena bula lein apni vanar sena ko
Jashn honge, nachenge, gayenge, laddoo khayange
Bikul nischint bachche soyenge, na kisi rakshas ka dar na kisi rakshasni ka
Surpanakha ko Maharajji ne sambhal liya, ab aap is bhoot ko sambhaalona."

Is baras hum roz dussera manayenge .

"Apke pitaji ko taar toh diya thaa, magar woh kuch kar nahi payenge darponk hai
Bechare boodhe bhi toh ho gaye hain, aur aapki mummy bhi nahi rahin
Apke welfare ki ifaazat aapke haathon mein hai Siya maa
Doon bandook, yadi dhanush-baan zyada bhaari hon."

Is baras hum roz dussera manayenge .

"Jaldi, jaldi, aap late ho rahe ho, shub muhurth nikla ja raha hai
Yeh loh aag lagaa di maine teer mein. Bus ek kadam aage
Ek peeche, sthirr ho jayyo, daro mati, dhyan se dekho Arjun jaise
Nishaana na chooke, aur halke se ungali uthaao taake teer nishane pe lage."

Is baras hum roz dussera manayenge .

 "Yeh hui na baat. Maaji tussi great ho. Luv-Kush ko bhi aap hi ne sikhaya lagta hai
Ab phir kal shaam target practice. Ek Raavan aur hai, kal uski baari
Yeh roz shaam bilkul time se hum sab yahan panhuchke roz RamLeela khelenge
Diwali mein aayena mazaa jo dussere ki din aaye hai.

Is baras hum roz dussera manayenge .